عيونك لو عيونك .. اهداء ..

اهداء الى هديل

اعيونك لو اعيونك ذني الله اعليك
لافدوه صدك خافنهن اعيونك
يمعود جريمه اعليك هيج عيون
وصوره اتظل خيال ومايرسمونك
تدري اجمل قصيده اعله المنصه تصير
والاجمل بعد بعيوني يقرونك
يارقة الماي اعله الورد لوطاح
بوكه تبوك لونه وينحسب لونك
ياومضة خيال وفلسفة طاغور
ياليلة زمانك وانه مجنونك
ساحرني وعلي وماريد اكلك غير
خيعونك عليك وبيك خيعونك
اتشخبط شخبطاني استغفرالله وراح
حط كل العسل بشفاف ماعونك
شلونك لاتكلي شلوني مامش لون
ولاتعطف عليه بجلمة شلونك
اذا بيها مجال شويه صير اهناه
واوكف عالحقيقة وشوف مسجونك
معود كطعني العطش وانت الماي
وانت العافيه بوجه اليشربونك
بعيوني شكثر شايف كبل حلوين
كلهم من اقارن مايلحكونك
احطهم بالسره ويتغالبون اوياك
واطيهم مجال ومايغلبونك
تتشابه الناس اوانت مدري منين
واحد مالكيت من اليشبهونك
يوصفونك حلو وبالعين من شافوك
شيره اعله العسل كامو يحطونك